Novela histórica: "As aventuras de David Balfour" de R.L. Stevenson

Esta selección de lecturas só pretende mostrar que toda obra literaria nos pode achegar a un determinado período histórico, facendo desta forma que comprendamos mellor os pensamentos e as accións deses homes e mulleres dos cales estudamos vidas e épocas nos libros de Historia e que , nalgunha ocasión, tan pesadas, por afastadas, nos parecen. Tamén pode axudarnos a coñecer outras culturas que nos son alleas. Pero, evidentemente, os libros non serven só para esta función, e por iso temos escollidos aqueles que nos pareceron máis entretidos e interesantes, eses cos que poderiades gozar máis. Non vos fiedes das recomendacións para a idade. Todos os lectores sodes distintos e o que para uns é moito, para outros é pouco. Así pois, utilizade esta ferramenta se queredes e ... ¡lede!