Cando Lola chega a Santiago de Compostela para matricularse na facultade de Historia, ignora os misterios que a cidade sartego lle ten reservados. Será nesas rúas onde a protagonista de A morte un editor se descubra a si mesma, a través de dúas vivencias, a do primeiro amor como tropel de sentimentos confusos, pero tamén a vivencia de algo máis profundo e irreversible: a vocación literaria. Así, unha Lola ávida de coñecemento enfrontarase á investigación e descuberta do que foron aqueles derradeiros días da República na cidade de pedra tras o levantamento fascista e, sobre todo, o brutal asasinato do entón alcalde e tamén editor Ánxel Casal. Logo deste axuste de contas coa verdade histórica, unha nova Lola agroma, e a persoa que agora é sabe que non hai regreso posible, pois abriu unha porta que endexamais poderá volver pechar.
Na “Luzada”, a cafetaría de Patricia, conflúen cada mañá os camiños que transitan personaxes como Manuel, un neno de orixe africana, a quen lle morreu a súa nai adoptiva, que comparte varias horas do día co seu avó. Lola e Eusebio, un matrimonio de persoas maiores que viven soas e deben enfrontar as difíciles decisións que esixen a vellez e a aparición da enfermidade. Iqbal, un mozo de pais paquistanís que decidiu marchar de Londres tras os atentados terroristas no metro de 2005. Aysel, unha kurda que manifesta a impotencia que sente pola indiferenza con que a comunidade internacional acolle a represión exercida contra o seu pobo por parte do goberno turco.
Século XV. Por medio do testimonio de Martín de Ferreira, un campesiño que sufre en primeira persoa o abuso do poder dos nobres, todo o proceso de creación da revoltas irmandiñas pasa ante os nosos ollos. Así xunto co seu irmá Lopo, Martín únese á milicia urbana promovida por Alonso de Lanzos, co fin de acadar a xustiza e a igualdade social na Galicia desa época.
O guión de cómic en varios tomos Historias de Galiza, baséase en elementos da historia da Humanidade, para incorporalos a relatos que non son históricos senón divulgativos. O primeiro tomo inclúe cinco relatos enmarcados na Prehistoria, acerca da chegada de fenicios, gregos e romanos a Galicia. Os dous tomos seguintes tratan acerca da etapa medieval. Estanse a preparar os dous volumes derradeiros, que se editarán proximamente.
Etel quere ser escritora e decide empezar investigando a misteriosa morte dunha antepasada , Inmaculada de Silva, unha moza guapísima de clase social alta, e Antón del Cañote, un membro do maquis, un heroe para o pobo e un inimigo para o réxime político de entón. Os feitos sucederon no patio da mansión familiar dos Silva. Juancho, un rapaz do cal Etel namorou, axúdalle a descubrir como foron as relacóns da parella e isto permete a Etel entender mellor as súas propias dificultades con el . ¿Que sucedeu realmente? A última palabra téñena os lectores, porque na Literatura como no Amor sempre hai puntos escuros.
Relatos centrados en la Guerra de Independencia española y la lucha contra los franceses
